VV Keer > 🎩 Prinsenproclamatie🎩

🎩 Prinsenproclamatie🎩

Prins Tim II – 2020

Ich, Preens Tim de II, maog mich heij vanaovend es de 40e Hoeglustighaed van de Pingelère betietelen,
en ter ere van dat gunt vr allemaol de lever kietelen.

Ich bin groetgebrach in Keer mer Bin tegenwoordig in Den Haag te vinde,
Mer dat Keer sjoener is dan dao in ut noorden, dat zuut nog unne blinde.

Ich Bin trots dat ich sjus wie munne pa mich Bie VV Keer en de Pingelère maog voege,
Al wir ederein dat dit gewoen is um mier te kinne zoepe in de kroege.

Die mam van mich is unne leeve, mer ein deenk is hiel zoonde,
Ze kump oet Gronsveld, dao wil ich nog neet doed weure gevoonde.

Mer zonder weijer te stunte, verklaar ich heijbie de volgende ellef punte!

PUNT 11.
Sinds kort heb ich un Australische vriendin aan de haak gesjlagen.
So now I have to sjakel to English, so that ich heur good kin behagen
Everything I learned from Keer 3, comes now good van pas.
Because from dee heite sex, we raak good in our sas.
So now every night I geef heur uns good from z’n jetje.
And make I naksj un sliding into our bedje
I zorg for a lot of wrieving and smoke en die hitte weurt flink higher
Dus nao a long night, hers is neet de einige Australische bush on fire.

PUNT 10.
Es rechtsback van Keer 3 heb ich dee bejaarde Boy al gauw vervangen.
Ut is inmiddels alweer 12 jaor geleije dat dit braggel team is ontstange.
Mer door toedoen Cas en Houp is Keer 3 nog altied un echt studententeam.
Dat die mansluij nog steeds aan ut studeren zien, dat vin ich gewoen subliem.
Ze hebbe aoch allebei op andere manier hun gigantische studieschuld bedwongen.
Houp heet zich un rieke vriendin gesjaard en Cas is oet ellende mer van de trap gespronge.

PUNT 9.
De weekendjes weg mit de pingelere zien altied hiel fijn,
Mer dan nooit mie in zoe’n kutbus want die zien mich te klein.
Op zoe’n weekend weurd veul gedoon; gezopen, gekropen en aoch karaoke,
ut waor oorlog de litste kier dat er in Frankfurt zoe veul luij waore oondergedoke.
Dao waore aoch elektrische scooters en toen Nick die how ontdik zaot her d;r op, zoeget edere daag,
Dan keem heer stillekes aangezoeft en veurdatse ut waets, kreegse op dnne rugk un platte slaag.
Ein dreidaags weekend nao zoe’n culturele stad maog dan hiel get lieke,
mer esse us vraogs wat vr gedoon hubbbe? Allein mer zoepe, spaje en stom kieke.

PUNT 8.
Luij es ich heij de zaal in kiek, dan vin ich ut sjoen dat VV Keer wir gans samen is.
Wat veer es club samen doen, vieren en bereiken, dat is gaene kattenpis.
Veer motte trots zien op ös club en op de leden die veer gehad hubbe.
Want mit geweldige leden wie Henk Spronck, deeg ut bie VVKeer good sjtubbe.
Aoch vanaovend bie de Pingelère deenke veer aan de maan mit wee veer nog geere un feeske wilde bouwen.
Keer 3 heet heum aoch al ge- ierd toen veer op de ouw brögk un seconde stilte hebbe gehouwe.
Nae, ut in iere houwe van ös gewaardeerde leden, dat sjuive vee neet terzeije.
Cobben, bie deze dan aoch ut verzoek um vanaovend deks genoeg Henk is enne lollige vent te dreije.

Leef vrun, op Henk, gezondheid!

PUNT 7.
Ut veteranenelftal van VV Keer is vanaovend aoch gelukkig wir present.
Al die mannen die zien stuk veur stuk unne brok heerlijke vent.
Dee Rob Beks, dee wil al jaore özze superpingelèr weure.
Mer zoelang dee mit z’n speelsters vogelt zal dat nog wel even deure.
Daobie hebse aoch Keppie en Wainie, de Peppie en Kokkie van Cadier en Keer
De einige kier dat die zwaete van ut helle wirrek, is es ze stikken un hun beer.
En natuurlijk voetbalt aoch miene pa dao bij, dat is un geval apart.
Voetballe kin heer neet ech, mer heer deid ‘t gewoen gere in t zjwart.

PUNT 6.
Esse de rieksweeg aof rijds kumse helaas in dat sjmerige merregroate,
En laote vr eerlijk zien, in dat vieze gehuch zou vr t leefst n bom aoflaote.
Alle herinneringen en slechte dreujme van dat kleine pläötske wil ich leever vergete,
Elke kier es ich bezweit van zoen nachtmerrie wakker weur hub ich mich weer besjete.
Noe moet Keer 1 murge tegen die vèrkes en die gunt gaen nachtmerries mer druime woer maken!
Veer gunt die plateauchinezen zoe hel oprollen, aoch al kinne ze neet weijer onder aan de rangliest raken.
Dus luijkes drink uuch vanaovend un good glas, mer murge stunt veer allemaol langs de lijn te blaere.
Dan gunt veer nao dat afgetrooije sportpark en sjrieuwe veer keihel MERREGRAOTE HODDELAERE!!

PUNT 5.
Sinds kort höb veer unne nuije veurzitter, Etienne is dat gewoore,
Wel un bitsje unne rare, want Bie heum zien de beijn en neet de poes gesjoore.
Wat is dan mit de ouwe veurzitter gebeurd? Veurwat is dee motte aoftreden?
Dat wit ich aoch neet mie zeker, mer ut waor get mit handtastelijkheden.
Es heer mit zien nuij vlamski aan keem zaogse heum genete
Dat waor volgens hum wel even get anders, want bij die veurige dach r had ich miech mer besjete.
Mer oonder ut nuije bewind is de club zeker in gooie han, dat wete vr noe wel weer,
Zoelang vr ös mer blieve houwe and de slogan: VV Keer, voetbal en beer.

PUNT 4.
Bie de Pingelère keem toen sjus gelukkig wir unne haop veersj blood
Dus mit de toekomst van de Pingelère zit ut nao vanaovend wir gans good.
Die ouw buule bie de Pingelère die gingen vreuger door moere
Mer noe zien die bejaarden nao haf 9 al meug aan ut loere.
Gelukkig is ut bie de klenderaire aoch inmiddels zoe wied.
Want van die ouwe verlepte gezichten keeme v’r aan de sjiet.
Noe motte de Klenderaire allein nog ut verwijderen van ouwere leden euverwegen.
Veural dee ambtenaar wat neet zoe’ne leuke breef van ut Keerhoes houw gekregen.

PUNT 3.
Mer de ganse aovend grepkes euver Klenderaire maken, dat is natuurlijk ös groete Pingelère talent.
Mer koste wat kost, mit Jubileumprins Ersin en zien Prinseske Mandy, zien zie vanaovend weer present.
Wie good kin unne minsj ut hubbe, Jubileumprins van de Pingelère, Jubileumprins van de Klenderaire en aoch nog un knappe vrow.
Es dat neet allemaol op mien palmares sting, dan deenk ich dat ich mich bie die Klenderaire allang besjeete houw
Dat geheim hebs dich 5 jaor lang motte bewaren, 5 jaor lang motte wachten en 5 jaor lang motte zwiege.
Noe waetse aoch uns wie de luij zich veule die nog un offerte van Elinkeu motte kriege!
Mer ondanks die grepkes van ös zien veer blij mit uch aanwezigheid en gunt veer samen dalijk un pilske pakken.
Want ut leven van unne klenderair is sjus wie unne sticker, veural zoelang meugelijk blieve plakke.

PUNT 2.
Ich bin mien seniorencarriere Bie VV Keer oets begonnen op Keer 2, get wat ich nog steeds neet begriep,
Indruk gemak hubbe zal ich wel neet, want nao dao get gebraggeld te hubbe waor ich al snel veur ut 3e riep
Dee oud prins Harry traint al jaore dat twiede, dee maan is daoveur geboore,
Ut vilt mich wel op dat heer nao eker jaor traine, steeds kaler is gewoore.
Ut weurt dan aoch langzamerhand tied veur die vedettes van twiede um oet te goon scheije,
Want die sjuinsmarcheerders van ut 3e zeuke nog luij die zoondigmurrige in ut sjoen zwart van Keer 3 wille kleije

PUNT 1.
Carnaval viere is get wie alcohol. Dat zit mich in ’t blood
Dus mit mich es prins, kump ut dit jaor wir gans good.
Vanaovend dreenke veer un pils en heb veer fijne muziek
En es dat zoe door gaet, veult deze prins zich de keuning te riek
Es geer dan zigk “t waor nne fantastische Pingelère daag”
Dan is veur mich dit Pingelèrefeest pas eg geslaag!

PINGELÈRE ALAAF!🎩🔴🟡🟢